שמות 31:13 - Masoretic Text 1524

¹³ ואתה דבר אל בני ישׂראל לאמר אך את שׁבתתי תשׁמרו כי אות הוא ביני וביניכם לדרתיכם לדעת כי אני יהוה מקדשׁכם׃

תנ"ך וברית חדשה בתרגום מודני

¹³ וְאַתָּ֞ה דַּבֵּ֨ר אֶל־בְּנֵ֤י יִשְׂרָאֵל֙ לֵאמֹ֔ר אַ֥ךְ אֶת־שַׁבְּתֹתַ֖י תִּשְׁמֹ֑רוּ כִּי֩ א֨וֹת הִ֜וא בֵּינִ֤י וּבֵֽינֵיכֶם֙ לְדֹרֹ֣תֵיכֶ֔ם לָדַ֕עַת כִּ֛י אֲנִ֥י יְהוָ֖ה מְקַדִּשְׁכֶֽם׃

Westminster Leningrad Codex

¹³ וְאַתָּ֞ה דַּבֵּ֨ר אֶל־בְּנֵ֤י יִשְׂרָאֵל֙ לֵאמֹ֔ר אַ֥ךְ אֶת־שַׁבְּתֹתַ֖י תִּשְׁמֹ֑רוּ כִּי֩ א֨וֹת הִ֜וא בֵּינִ֤י וּבֵֽינֵיכֶם֙ לְדֹרֹ֣תֵיכֶ֔ם לָדַ֕עַת כִּ֛י אֲנִ֥י יְהוָ֖ה מְקַדִּשְׁכֶֽם׃

תנ"ך וברית חדשה בתרגום דליטש

¹³ וְאַתָּ֞ה דַּבֵּ֨ר אֶל־בְּנֵ֤י יִשְׂרָאֵל֙ לֵאמֹ֔ר אַ֥ךְ אֶת־שַׁבְּתֹתַ֖י תִּשְׁמֹ֑רוּ כִּי֩ א֨וֹת הִ֜וא בֵּינִ֤י וּבֵֽינֵיכֶם֙ לְדֹרֹ֣תֵיכֶ֔ם לָדַ֕עַת כִּ֛י אֲנִ֥י יְהוָ֖ה מְקַדִּשְׁכֶֽם׃

שמות 31:13 הפניות הצלבה

נחמיה 9:14

ואת שׁבת קדשׁך הודעת להם ומצוות וחקים ותורה צוית להם ביד משׁה עבדך׃

שמות 31:12

ויאמר יהוה אל משׁה לאמר׃

שמות 31:17

ביני ובין בני ישׂראל אות הוא לעלם כי שׁשׁת ימים עשׂה יהוה את השׁמים ואת הארץ וביום השׁביעי שׁבת וינפשׁ׃

ישעיה 56:2

אשׁרי אנושׁ יעשׂה זאת ובן אדם יחזיק בה שׁמר שׁבת מחללו ושׁמר ידו מעשׂות כל רע׃

ירמיה 17:22

ולא תוציאו משׂא מבתיכם ביום השׁבת וכל מלאכה לא תעשׂו וקדשׁתם את יום השׁבת כאשׁר צויתי את אבותיכם׃

יחזקאל 20:12

וגם את שׁבתותי נתתי להם להיות לאות ביני וביניהם לדעת כי אני יהוה מקדשׁם׃

יחזקאל 20:20

ואת שׁבתותי קדשׁו והיו לאות ביני וביניכם לדעת כי אני יהוה אלהיכם׃

יחזקאל 37:28

וידעו הגוים כי אני יהוה מקדשׁ את ישׂראל בהיות מקדשׁי בתוכם לעולם׃

יחזקאל 44:24

ועל ריב המה יעמדו לשׁפט במשׁפטי ושׁפטהו ואת תורתי ואת חקתי בכל מועדי ישׁמרו ואת שׁבתותי יקדשׁו׃

ויקרא 19:3

אישׁ אמו ואביו תיראו ואת שׁבתתי תשׁמרו אני יהוה אלהיכם׃

ויקרא 19:30

את שׁבתתי תשׁמרו ומקדשׁי תיראו אני יהוה׃

ויקרא 20:8

ושׁמרתם את חקתי ועשׂיתם אתם אני יהוה מקדשׁכם׃

ויקרא 21:8

וקדשׁתו כי את לחם אלהיך הוא מקריב קדשׁ יהיה לך כי קדושׁ אני יהוה מקדשׁכם׃

ויקרא 23:3

שׁשׁת ימים תעשׂה מלאכה וביום השׁביעי שׁבת שׁבתון מקרא קדשׁ כל מלאכה לא תעשׂו שׁבת הוא ליהוה בכל מושׁבתיכם׃

ויקרא 25:2

דבר אל בני ישׂראל ואמרת אלהם כי תבאו אל הארץ אשׁר אני נתן לכם ושׁבתה הארץ שׁבת ליהוה׃

ויקרא 26:2

את שׁבתתי תשׁמרו ומקדשׁי תיראו אני יהוה׃

עמוס 8:5

לאמר מתי יעבר החדשׁ ונשׁבירה שׁבר והשׁבת ונפתחה בר להקטין איפה ולהגדיל שׁקל ולעות מאזני מרמה׃

דברים 5:12

שׁמור את יום השׁבת לקדשׁו כאשׁר צוך יהוה אלהיך׃